Прекуграничната соработка во рамките на ИПА има за цел да ги промовира добрососедските односи, потикнувајќи стабилност, безбедност и просперитет во заедничкиот интерес на сите опфатени земји, како и потикнувајќи нивен хармонизиран, балансиран и одржлив развој.

Поучени од минатите искуства, ИПА-ПГС ќе работи на двете страни од границата врз основа на еден сет на правила и цели, со што кe обезбедува можност за целосно еднаквo и балансиранo програмирање и процес на донесување одлуки.

Целите на ИПА ПГС компонентата се дизајнирани да ги земaт во предвид специфичните потреби на соодветната надворешнa границa. Тоа се:

⇒	Развој на прекугранични економски, социјални и еколошки активности во пограничните области.
⇒	Насочување кон заедничките предизвици,на полето на животната средина, јавното здравство, спречување и борба против организираниот криминал.
⇒	Овозможување на безбедни и ефикасни граници.
⇒	Промовирање на правна и административна соработка.
⇒	Промовирање на локален тип на акции “Од луѓето за луѓето".